യുദ്ധാനന്തരം

ഒരുദിവസം
കടലുറങ്ങുകയായിരുന്നു.
ആകാശം ചിന്താശൂന്യമായിരുന്നു.
മണ്ണില്‍ വീണ നിഴലുകളൊക്കെ
മരിച്ചിരുന്നു.
കാറ്റിനൊന്നും പറയാനില്ലായിരുന്നു
ഭൂമിക്ക് ഒന്നും
കൂട്ടിനുണ്ടായിരുന്നില്ല.

മധ്യാഹ്നമായിട്ടും സായാഹ്നമായിട്ടും
ആരും ഉണര്‍ന്നില്ല.
പകലിനെ തൊട്ട രാവിന്
ഹൃദയമുണ്ടായിരുന്നില്ല.
അത് അവസാനത്തെ
അണുബോംബു സ്ഫോടനം കഴിഞ്ഞ
ആദ്യത്തെ അസ്തമയമായിരുന്നു !.