ആരെക്കണ്ടാലും
വിരല്‍ത്തുമ്പിലുണ്ടാവും
ഒരു തത്തക്കൂട്
കൂട്ടില്‍ കുനിഞ്ഞിരിക്കും
രണ്ടു പച്ചച്ചിറകുകള്‍
ചുവന്ന ചുണ്ടുകള്‍
എനിക്കെന്തിനാണു ചിറകെന്ന്
ദൈവങ്ങളുടെ ചിത്രം കൊത്തുമ്പോള്‍
ചുണ്ടൊന്നു ചുവക്കും
ചിറകൊന്നു പച്ചയ്ക്കും
ആരെക്കണ്ടാലും
ഞാനൊരു ത ത്ത
കൂട്ടില്‍
വിരല്‍ത്തുമ്പില്‍
തൂങ്ങിപ്പറന്ന്
പറഞ്ഞു പഠിച്ചത്
പൂച്ചയെന്നായാലും
പട്ടിയെന്നായാലും
പറഞ്ഞു
പറന്നു കൊണ്ടേയിരിക്കും
1 അഭിപ്രായം:
പച്ചച്ചിറക്
ചുവന്ന ചുണ്ട്
ഒരു അഭിപ്രായം പോസ്റ്റ് ചെയ്യൂ