ഇന്നുമാവളവിലെത്തുമ്പോള്‍
സ്കൂട്ടറില്‍ നിന്നും
തെറിച്ചുവീണു മരിച്ചയാളെ
ഓര്‍മവരും
നില്‍പ്പുണ്ടാവുമിപ്പോഴുമവിടെ
അറ്റുപോവുന്നതിനു
തൊട്ടുമുന്‍പുളള
അതേ നോട്ടത്തിലതേ വേഗതയിലതേ
ബോധത്തില്‍
ഇപ്പോഴവിടെയില്ല
തെറിച്ചു വീണപ്പോളയാളുടെ
തലയിടിച്ചു പിളര്‍ത്തിയ
ട്രാക്ടറിന്റെ തുരുമ്പു ചക്രങ്ങള്‍
മഴവെളള
മെടുത്തുമാറ്റിയിട്ടുണ്ടാവുമയാളുടെ
വാറുപൊട്ടിയ ചെരിപ്പുകള്‍
ഇനിയൊരുപക്ഷേയാ ചെരിപ്പിട്ടയാള്‍
പോയിരിക്കുമോ
സ്നേഹിച്ചിരുന്നവരുടെ
മറവിയിലേക്ക് ?
എന്നാല്‍
അതേ ചെരിപ്പിട്ടതേ വേഗത്തി
ലിപ്പോഴുമയാള്‍
നില്‍ക്കുന്നുണ്ടവിടെ
റോങ് സൈഡ് വന്നത്
താനല്ലായിരുന്നുവെന്ന്
കൊലവിളിച്ചു കടന്നുപോയ
മണല്‍ലോറിയെച്ചൂണ്ടി
5 അഭിപ്രായങ്ങൾ:
എന്നുമോര്മ്മയിലുണ്ടായിരിക്കും
മഴവെളള
മെടുത്തുമാറ്റിയിട്ടുണ്ടാവുമയാളുടെ
വാറുപൊട്ടിയ ചെരിപ്പുകള്‍
നന്നായി, അനീഷ്..
നല്ല കവിത.. ചെവിയോർത്താൽ, റോഡരുകിൽ നിന്നും നമ്മളെ വേട്ടയാടിയെത്തും, ഈ വാക്കുകൾ... ഇഷ്ടപ്പെട്ടു.
അപകടമരണങ്ങളെക്കുറിച്ച് എഴുതാതിരിക്കാനാവില്ല മലയാളിക്ക്.അയ്യപ്പന്റെയും വില്‍‌സന്റെയും ഓരോ കവിതകള്‍ കൂടെ വെക്കാമെങ്കിലും ഇത് കൂടുതല്‍ ഹൃദയസ്പര്‍ശിയായി.
ഒരു അഭിപ്രായം പോസ്റ്റ് ചെയ്യൂ