നീ പോയ ശേഷം
ഞാനിവിടെ ഒറ്റയ്ക്കാണ്
കാഴ്ചകള് കണ്ണുകളെ വിട്ടു പോയി
ശബ്ദങ്ങള് ചെവികളെയും.
സ്വപ്നങ്ങള് ഹൃദയം വിട്ടു,
ഓര്മ്മകള് മനസ്സിനേയും.
ഈ അതിശൈത്യത്തില്
ഒരുടുപ്പു പോലുമില്ലാതെ
ഞാന് ഒറ്റയ്ക്കാണ്.
ഞാന് നെയ്ത സ്വപ്നങ്ങള്
ഉടുപ്പിനു പകരമാവില്ലെന്ന്
നീ എന്നെ വിട്ടു പോയി.
എന്റെ പിടിയില് നിന്ന് ഊര്ന്നുപോയ,
നിന്റെ വിരലുകള്, ഒടുവിലെ സ്പര്ശം.
വെറുപ്പില് കരുവാളിച്ച നിന്റെ മുഖം,
ഒടുവിലെ ഓര്മ്മ.
അകന്നു പോയ നിന്റെ കാലടികള്,
ഒടുവിലെ ശബ്ദം.
കണ്ണീരില് മറഞ്ഞ് മങ്ങിയഎന്റെ മുറി,
ഒടുവിലെ കാഴ്ച.
ബാക്കിയായ ഒരു വെറും പ്രതീക്ഷ,
വളര്ന്ന് സ്വപ്നമായ്,
സ്വപ്നങ്ങള് ഓര്മ്മകളായ്,
ഒടുവില് നിന്റെ വിരല്സ്പര്ശ-
മാകുന്നതും കാത്ത്
ഞാനിവിടെ ഒറ്റയ്ക്കാണ്,
നീയില്ലാതെ...
വിനോജ് എന്ന ലേബല് ഉള്ള പോസ്റ്റുകള് കാണിക്കുന്നു. എല്ലാ പോസ്റ്റുകളും കാണിക്കൂ
വിനോജ് എന്ന ലേബല് ഉള്ള പോസ്റ്റുകള് കാണിക്കുന്നു. എല്ലാ പോസ്റ്റുകളും കാണിക്കൂ
17/4/08
12/4/08
നിരാശ
കാലമേ,
നീ നിന്റെ ദംഷ്ട്രകളാല്
എന്റെ ഹൃദയം കടിച്ചു കീറുക,
ഇതു നീ ബാക്കി വയ്ക്കരുത്.
നിന്റെ തേരുരുള്ച്ചയില് പിടച്ചെന്നെ
ഭയപ്പെടുത്തുന്നത് ഇവനാണ്.
തല ചായ്ച്ചു കരയാന് സ്വന്തം തോളു പോലും
ഇല്ലാത്തവന് ഹൃദയം ഒരു ഭാരമാണ്,
അതുകൊണ്ട് ഇതു മാത്രം നീ ബാക്കി വയ്ക്കരുത്.
എന്റെ കൈകള് കൂടി നീയെടുത്തേക്കുക
ഇനി എനിക്കൊന്നും സ്വന്തമാക്കാനില്ല.
ദാനമായിപ്പോലും ഒന്നും ലഭിക്കാനില്ലാത്തവന്
കൈകള് വെറും അലങ്കാരമാണ്.
കാലുകള് നിന്റെ കുട്ടികള്ക്കു കൊടുക്കുക,
അവര്ക്കത് കുതിരകളായേക്കാം.
ദൂരങ്ങള് കീഴടക്കാനില്ലാത്തവന്
കാലുകള് ഒരു ബാദ്ധ്യതയാണ്.
കണ്ണുകളും കാതുകളും കഴുകന്മാര്ക്കു കൊടുക്കുക
ഇവയെന്നെ വല്ലാതെ പ്രലോഭിപ്പിക്കുന്നു.
അറിവുകളെ വെറുക്കുന്നവന്
ഇന്ദ്രിയങ്ങള് ഒരു ശല്യമാണ്.
അസ്ഥികള് മാത്രം ശേഷിച്ചേക്കാവുന്ന ഈ ഉടലില്
നീ ഒരു മനസ്സു കണ്ടെത്തിയാല്
കുറച്ചു സ്വപ്നങ്ങള് മാത്രം ബാക്കി വച്ചേക്കുക;
എന്റെ ആയുസ്സില് അവശേഷിച്ച ഒരു യുഗം
ഞാന് അവയോടൊപ്പം കഴിഞ്ഞുകൊള്ളാം.
നീ നിന്റെ ദംഷ്ട്രകളാല്
എന്റെ ഹൃദയം കടിച്ചു കീറുക,
ഇതു നീ ബാക്കി വയ്ക്കരുത്.
നിന്റെ തേരുരുള്ച്ചയില് പിടച്ചെന്നെ
ഭയപ്പെടുത്തുന്നത് ഇവനാണ്.
തല ചായ്ച്ചു കരയാന് സ്വന്തം തോളു പോലും
ഇല്ലാത്തവന് ഹൃദയം ഒരു ഭാരമാണ്,
അതുകൊണ്ട് ഇതു മാത്രം നീ ബാക്കി വയ്ക്കരുത്.
എന്റെ കൈകള് കൂടി നീയെടുത്തേക്കുക
ഇനി എനിക്കൊന്നും സ്വന്തമാക്കാനില്ല.
ദാനമായിപ്പോലും ഒന്നും ലഭിക്കാനില്ലാത്തവന്
കൈകള് വെറും അലങ്കാരമാണ്.
കാലുകള് നിന്റെ കുട്ടികള്ക്കു കൊടുക്കുക,
അവര്ക്കത് കുതിരകളായേക്കാം.
ദൂരങ്ങള് കീഴടക്കാനില്ലാത്തവന്
കാലുകള് ഒരു ബാദ്ധ്യതയാണ്.
കണ്ണുകളും കാതുകളും കഴുകന്മാര്ക്കു കൊടുക്കുക
ഇവയെന്നെ വല്ലാതെ പ്രലോഭിപ്പിക്കുന്നു.
അറിവുകളെ വെറുക്കുന്നവന്
ഇന്ദ്രിയങ്ങള് ഒരു ശല്യമാണ്.
അസ്ഥികള് മാത്രം ശേഷിച്ചേക്കാവുന്ന ഈ ഉടലില്
നീ ഒരു മനസ്സു കണ്ടെത്തിയാല്
കുറച്ചു സ്വപ്നങ്ങള് മാത്രം ബാക്കി വച്ചേക്കുക;
എന്റെ ആയുസ്സില് അവശേഷിച്ച ഒരു യുഗം
ഞാന് അവയോടൊപ്പം കഴിഞ്ഞുകൊള്ളാം.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)