കാടിനേയും ,പുഴയെയും
മഴ കൊഴുക്കുന്നയിടങ്ങളെയും
വാറ്റ് മണക്കുന്ന നിലാവിനെയും
ആണ്‍കുട്ടികളുടെ തുടകളെയും
അവന്‍ പ്രേമിച്ചു.
പെണ്‍ കിനാക്കാളോ
വാക്കുകളോ ഇഷ്ടമില്ലത്തവന്‍.
ആണ്‍കുട്ടികള്‍
അവനൊപ്പം ചിരിച്ചുപോകുന്നത്
കണ്ടിട്ടുണ്ട്
ബലൂണുകള്‍ പോലെ അകന്ന്
തലകൊഴിഞ്ഞു വീഴും വരെ
പുകയടിക്കുന്ന മരങ്ങള്‍
മഴയൊഴിഞ്ഞ കാട്ടിലെ മറവില്‍
അവനെന്‍റെ തുടകളില്‍
പൂക്കള്‍ വരച്ചു
അര നിറയെ വസന്തം
ഓരോ പൂവും
ഇന്നെന്നെയോര്‍മിപ്പിക്കുന്നു
കാടിന്റെ മലര്‍ന്ന കാഴ്ച
അവന്‍റെയും.
അക്‍ബര്‍
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ