7/4/09

നാസ്സര്‍ കൂടാളി

വീടടയാളങ്ങള്‍


വീടിനെ ഉപമിക്കരുത്
വീട്ടുകാരനോളം
എടുപ്പ്
നടപ്പ്
ഇരിപ്പ്
വീട്ടുകാരിയോളം

ഊതിയൂതി
ആകാശത്തെ വരക്കരുത്
മഴക്കാലമായാലത് മതി
പനിച്ച്
വിറച്ച്
ഓര്‍മ്മക്കിടക്കയില്‍ ഒട്ടിക്കിടക്കാന്‍
മരിച്ചവര്‍ ചിലപ്പോള്‍ വരും
പ്രഛന്ന വേഷരായ്
അതിനാല്‍
വാതിലില്ലാത്ത വീട്
നിന്റെ സ്വാസ്ഥയം കെടുത്തും
ഉടലടയാളങ്ങളില്‍
വെള്ളച്ചായമടിച്ചേക്കരുത്
യക്ഷിയെപ്പോലെ
എന്നേയും
നിന്നേയും
മോഹിപ്പിക്കാന്‍ അതുമതി.

എല്ലാ വീടും
ഒരു ദിവസം
ആകാശത്തെ വലയം വെക്കും
ഭൂമിയുടെ അച്ചുതണ്ടില്‍ തൂങ്ങി
ആത്മഹത്യ ചെയ്യും

3 അഭിപ്രായങ്ങൾ:

പുതു കവിത പറഞ്ഞു...

യക്ഷിയെപ്പോലെ
എന്നേയും
നിന്നേയും
മോഹിപ്പിക്കാന്‍ അതുമതി.

Melethil പറഞ്ഞു...

വ്യത്യസ്തമായ ഒന്ന് വായിച്ചു കുറച്ചു കാലത്തിനു ശേഷം !

പി എ അനിഷ്, എളനാട് പറഞ്ഞു...

വീട് എനിക്കിഷ്ടമാണ്,
വീട്ടു കവിതകളും
നാക്കിലയിലേക്ക് സ്വാഗതം
www.naakila.blogspot.com