ചന്തയില്‍ എന്റെ പ്രേതത്തെ
ഒരുവന്‍ ഉണക്കി വിറ്റിരുന്നു.
അവന്റെ ഉടലില്‍ ഞാന്‍ നാറ്റമായി പടര്‍ന്ന്
കടലിലെ ഓര്‍മകളുമായി ജീവിച്ചു.
ഒരു നാള്‍ അവന്‍
യാത്ര പോകാതെ
ഭാര്യയെ പുണരാതെ
ചങ്ങാതിയെ കാണാതെ
ചന്തയില്‍ പോകാതെ
മച്ചിന്‍‌പുറത്ത് മറഞ്ഞിരിപ്പായ്
ഞാന്‍ പറഞ്ഞു:
നിന്നില്‍നിന്നും പറന്നു പോകാം
എന്നേക്കുമായി
എന്റെ പ്രേതത്തെ എനിക്കായി നല്‍കുക
ഞാന്‍ ചാപ്പയില്‍ നിന്നും വലയിലേക്കും
വലയില്‍ നിന്ന് കടലിലേക്കും
സ്വപ്നം തേടി തുഴഞ്ഞുപോകട്ടെ
മുഹമ്മദ് കവിരാജ്
1 അഭിപ്രായം:
കൊളുത്തി...എവിടെയെന്ന് തിരിച്ചറിയാനാവുന്നില്ലെന്നു മാത്രം. നന്ദി.
ഒരു അഭിപ്രായം പോസ്റ്റ് ചെയ്യൂ