25/4/09

ടീ ടേസ്റ്റര്‍

പ്രേമിക്കേണ്ട
പ്രായത്തിലാണ്
ചായ കുടിച്ച് തുടങ്ങിയത്.
അതിനാല്‍
പ്രണയം
മുഴുവന്‍
ചായകളോടായി.

സുലൈമാനിയുടെ
അന്തിച്ചോപ്പ്

പാല്‍ച്ചായയുടെ
തവിട്ടുപാട

ഇഞ്ചിച്ചായയുടെ
കഴുത്തു തടവല്‍

നേപ്പാളിച്ചായയിലെ
ജാസ്മിന്‍-കുളക്കാഴ്ച..

പ്രണയത്തിനു പോലുമില്ല
ഇത്രയേറെ അവസ്ഥകള്‍
രുചിഭേദങ്ങള്‍.

പ്രണയിക്കാതെ
ചായകുടിച്ചതെത്ര നന്നായി.
ചായക്കോപ്പയില്‍ തീരുന്നുണ്ടല്ലോ
ഇവയുടെ കോപങ്ങള്‍.

3 അഭിപ്രായങ്ങൾ:

കുഴൂര്‍ വില്‍‌സണ്‍ പറഞ്ഞു...

പാല് ചേര്‍ക്കാതെ,
പഞ്ചാര ഇല്ലാതെ.

അതാണത്രെ നല്ല ചായ.
ചായപ്രേമികള്‍ പറയുന്നതാണ്.

യോജിക്കുന്നു
ചായക്കാര്യത്തിലും
നീ പറഞ്ഞ മറ്റേക്കാര്യത്തിലും

വാഴക്കോടന്‍ ‍// vazhakodan പറഞ്ഞു...

പ്രണയത്തിനു പോലുമില്ല
ഇത്രയേറെ അവസ്ഥകള്‍
രുചിഭേദങ്ങള്‍.

പ്രണയത്തിന്റെ രുചി! അതിനു ഒരൊറ്റ രുചിയല്ലെയുള്ളൂ!
നല്ല നിരീക്ഷണം!

R.K.Biju Kootalida പറഞ്ഞു...

ഒരു അടിക്കാത്ത മീഡിയം വെള്ളം കുറച്ച് നീട്ടി സ്പീഡിൽ കുടിച്ച സുഖം..........
thanks......