13/11/08

തോന്നല്‍

എന്തൊരു ശൂന്യത.
ഇന്നലെ
നീ ഇവിടെയുണ്ടായിരുന്നപ്പോള്‍
ആരുമില്ലെന്ന തോന്നല്‍..
ഇന്ന്
നീ പോയപ്പോള്‍
‍ആരോ ഇല്ലാതാ‍യെന്ന്...
നാളെ
നീ തിരിച്ചുവന്നാലും ഉണ്ടാകും
ആരോ വരാനുണ്ടെന്ന തോന്നല്‍..
നിന്റെ ശബ്ദം,
വല്ലാത്തൊരു മൌനം പോലെ.
ഹൃദയമിടിപ്പുകള്‍
‍വല്ലാത്ത മുഴക്കത്തോടെ.
എടുക്കാത്ത ഒരു നാണയം
എവിടെയോ കിലുങ്ങുന്നുണ്ട്.
അതും വെറുമൊരു തോന്നലാവുമോ?

4 അഭിപ്രായങ്ങൾ:

രാമചന്ദ്രന്‍ വെട്ടിക്കാട്ട്. പറഞ്ഞു...

“നീ ഇവിടെയുണ്ടായിരുന്നപ്പോള്‍
ആരുമില്ലെന്ന തോന്നല്‍..
ഇന്ന്
നീ പോയപ്പോള്‍
‍ആരോ ഇല്ലാതാ‍യെന്ന്...“

നല്ല വരികള്‍.. നല്ല കവിത.

Physel പറഞ്ഞു...

നന്നായി ഈ കവിത

Rare Rose പറഞ്ഞു...

തോന്നലുകള്‍ ഇഷ്ടായീ..:)

NazrudheeN Like a Rolling Stone പറഞ്ഞു...

ellam oru thonal. oru vishada rogiyude galpanangal pole :)