16/4/08

ഡയറിക്കുറിപ്പുകള്‍.

ആദ്യമായെന്ന്;
ഇടം കൂടിയ കണ്ണുകള്‍,
ചുംബനം പകര്‍ന്ന ചുണ്ടുകള്‍,
ആഴ്ന്നിറങ്ങിയ പല്ല്.
ശേഖരിക്കാന്‍ വിട്ടുപോയ ചിലത്.

എന്നുമെന്നും
നടന്നുപോകാറുള്ള വഴിയില്‍
കാത്തുകിടന്ന്
അടിത്തളിരു നോക്കി
ഉയിര്‍ത്തെഴുന്നേറ്റ ചോദന.

കാര്യം ഒരു ചെറിയ മുള്ളാണെങ്കിലും
കയറിയപ്പോഴും വലിച്ചൂരിയപ്പോഴും
വേദന.

സൂക്ഷ്മമായി നോക്കിയപ്പോള്‍
അലിവു തോന്നി

ഓരോരോ ജന്മങ്ങള്‍,
നോവിച്ച് നൊന്ത്
ജീവിക്കാമെന്നല്ലാതെ
ഒരിറ്റു ദാഹം തീരില്ല.
വിശപ്പു മാറില്ല.

ഞാനാണെങ്കില്‍
ആദ്യത്തെ മുള്ളെന്ന്
തലക്കെട്ടെഴുതി
ഡയറിയില്‍
പശചേര്‍ത്തു പറ്റിച്ചു.

അല്ലെങ്കിലും;
ചിലതിനെ ഒരിക്കലും
ഇത്രകണ്ട് സ്വകാര്യമെന്ന്
കുറിക്കാന്‍ കഴിയില്ല.

സുഹൃത്തേ;
നീ കൊണ്ടുവന്ന
കഠാരിയെങ്കിലും
ജോലികഴിയുമ്പോള്‍
തന്നിട്ടുപോകണേ……





4 അഭിപ്രായങ്ങൾ:

ദിലീപ് വിശ്വനാഥ് പറഞ്ഞു...

ഇങ്ങനെയും ഡയറി എഴുതാമോ?

Unknown പറഞ്ഞു...

നല്ല വരികള്‍

പാമരന്‍ പറഞ്ഞു...

സുഹൃത്തേ;
നീ കൊണ്ടുവന്ന
കഠാരിയെങ്കിലും
ജോലികഴിയുമ്പോള്‍
തന്നിട്ടുപോകണേ……!!

പ്രിയ ഉണ്ണികൃഷ്ണന്‍ പറഞ്ഞു...

ഇങ്ങനേം എഴുതാം ല്ലെ ഡയറിക്കുറിപ്പ്