ആര്‍ക്കും കയറിയിരിക്കാന്‍
ഇരുന്നുകൊടുക്കുന്ന
തന്റെ ജീവിതത്തെക്കുറിച്ചാലോചിച്ച്
ഒരേ ഇരുപ്പാണ്
മുന്‍‌പുറത്തുള്ള കസേര.
പറമ്പിലെ വാഴക്കുണ്ടയെ,
തെങ്ങുകളെ,
വെയിലറയ്ക്കുമ്പോള്‍ പാടിത്തുള്ളി വരുന്ന
പൂത്താങ്കീരികളെ,
ആവിപൊങ്ങുന്ന നട്ടുച്ചയെ,
വെള്ളിവാര്‍പ്പുമായി വരുന്ന
കുംഭമാസ നിലാവിനെ,
കുറ്റിരുട്ടില്‍ ഭയം ജപിക്കുന്ന കൂമനെ,
എല്ലാറ്റിനേയും നിസ്സംഗമായി നേരിട്ട്
ഈ ഉമ്മറത്ത് ഒരേ ഇരിപ്പാണ്.
ആരാലും മടക്കിവെക്കപ്പെടരുതെന്ന്
പിറക്കും മുന്‍പേ തീര്‍ച്ചപ്പെടുത്തിയ
അന്തമില്ലാത്ത ഈ *ഇരുപ്പിനേക്കാള്‍
നിങ്ങള്‍ക്ക് കയറിയിരിക്കാന്‍
പാകവും പ്രതീകാത്മകവുമായ
ദുരന്തം വേറെയെന്തുണ്ട്?
ഇരുന്നുകൊടുക്കുന്ന
തന്റെ ജീവിതത്തെക്കുറിച്ചാലോചിച്ച്
ഒരേ ഇരുപ്പാണ്
മുന്‍‌പുറത്തുള്ള കസേര.
പറമ്പിലെ വാഴക്കുണ്ടയെ,
തെങ്ങുകളെ,
വെയിലറയ്ക്കുമ്പോള്‍ പാടിത്തുള്ളി വരുന്ന
പൂത്താങ്കീരികളെ,
ആവിപൊങ്ങുന്ന നട്ടുച്ചയെ,
വെള്ളിവാര്‍പ്പുമായി വരുന്ന
കുംഭമാസ നിലാവിനെ,
കുറ്റിരുട്ടില്‍ ഭയം ജപിക്കുന്ന കൂമനെ,
എല്ലാറ്റിനേയും നിസ്സംഗമായി നേരിട്ട്
ഈ ഉമ്മറത്ത് ഒരേ ഇരിപ്പാണ്.
ആരാലും മടക്കിവെക്കപ്പെടരുതെന്ന്
പിറക്കും മുന്‍പേ തീര്‍ച്ചപ്പെടുത്തിയ
അന്തമില്ലാത്ത ഈ *ഇരുപ്പിനേക്കാള്‍
നിങ്ങള്‍ക്ക് കയറിയിരിക്കാന്‍
പാകവും പ്രതീകാത്മകവുമായ
ദുരന്തം വേറെയെന്തുണ്ട്?
------------------------------
*irippiTavum
ചിത്രം:ശ്രീകല
8 അഭിപ്രായങ്ങൾ:
ഈ കസേരയില്‍ ‘ഖനീഭവിക്കുന്ന ജഡത്വം’മടക്കിവയ്ക്കാനാവത്ത എന്തൊക്കെയോ രചിക്കുന്നുണ്ട്.
ആരാലും മടക്കിവയ്ക്കപ്പെടരുതെന്ന്
കസേരക്കുള്ളപോലെ,ആരാലും
വായിച്ചെടുക്കരുതെന്ന് ഈ കവിതക്കുമുണ്ടോ പിറക്കും മുന്‍പേ തീര്‍ച്ചപ്പെടുത്തല്‍
എന്തായാലും ഈ കവിത ഒരുപാട് അര്‍ഥങ്ങളെ ഇരുത്തുന്നുണ്ട്.ആരെങ്കിലും എന്നെങ്കിലും വായിച്ചേക്കും.കസേരയും ആരെങ്കിലും മടക്കിവച്ചേക്കും എന്നിട്ട് എണീറ്റ് നടന്നേക്കും.
*എന്തിനോടും തോറ്റു കൊടുക്കുക,എന്നിട്ട് സമാധാനിക്കാന്‍ ഒരോ കാരങ്ങങ്ങളും കണ്ടെത്തിയാല്‍ പിന്നെ കുഴപ്പമില്ല.
ആര്‍ക്കും കയറിനിരങ്ങാവുന്ന ചില ജന്മങ്ങളുടെ രാഷ്ട്രീയമുണ്ട് ഈ കവിതയിലെന്ന് എനിക്ക് തോന്നുന്നു.
മുന്‍പുറത്തെ കസേര ഇവിടുത്തെ കവിതയാണെന്നു വായിക്കുകയാണ്.
അത്ര ദുര്‍ഗ്രഹമല്ലെന്നു കയറിയിരുന്ന് രണ്ടാമതില്‍ പറഞ്ഞതൊക്കെ സങ്കല്പ്പിച്ചു.
ദുരന്തമാണെന്നു തിരിച്ചറിയാന്‍ ഇഷ്ടമില്ല. എഴുന്നേറ്റു പോകാനും.
നല്ല കവിത...ഇഷ്‌ടമായി.
nannai
മാഷെ ,
ഇതൊരു നിസ്സംഗതയായിട്ടാണ് കസേര കാണുന്നതെങ്കില്‍ അതതിന്‍‌റ്റെ തെറ്റാണ്,
ഓടിപ്പിടച്ചു നടന്നിട്ടൊന്നും ആസ്വദിക്കാന്‍ പറ്റാത്തതിനേക്കാള്‍ നല്ലതല്ലെ ഇരുന്ന് കൊണ്ട് കുറച്ചെങ്കിലും കാണാന്‍ പറ്റുന്നത് , അത് സ്വന്തം വീട്ടിലാണെങ്കില്‍ പോലും :)
നല്ല കവിത.
ഒരു അഭിപ്രായം പോസ്റ്റ് ചെയ്യൂ