27/11/11

പിന്‍കുടുമ /സുധീഷ് കോട്ടേമ്പ്രം

 
 
 
മുടിക്കുള്ളില്‍ ചുഴിക്കുതാഴെ
തേരട്ടവലിപ്പത്തില്‍
ഒരു കുടുമയുണ്ട്
പി ജി ഹരിലാല്‍ അഥവാ
പിലാത്തോട്ടത്തില്‍ ഗോവിന്ദന്‍ മകന്‍ ഹരിലാല്‍
എന്ന സോഫ്റ്റ്വെയര്‍ എഞ്ചിനീയര്‍ക്ക്.
എത്ര ചീകിയൊതുക്കിയാലും
അറിയാതെ തല ചൊറിയുമ്പോള്‍
ഇരട്ടവാലുള്ള കുടുമ 
കുട്ടയ്ക്കുള്ളില്‍ നിന്നു പാമ്പെന്ന പോലെ
തല നീട്ടും.
ക്ഷുരകന്റെ കത്രികപ്പാട് വീഴാതെ
രതിക്കിടയില്‍പ്പോലും 
അവളുടെ വിരലുകള്‍ക്ക് പിടിക്കൊടുക്കാതെ 
കുളിക്കുമ്പോഴും 
കുനിഞ്ഞിരുന്നു ഷൂസിന്റെ ലെയിസു കെട്ടുമ്പോഴും 
മാലോകരുടെ കണ്ണില്‍പ്പെടാതെ 
വളര്‍ത്തുന്നതാണ്.

കോഫീ ഹൌസില്‍ 
സഹപണിയാളരോടൊപ്പം 
നൂഡില്‍സ്  കഴിക്കവേ 
കയ്യില്‍ത്തടയുന്നു 
കുടുമയില്‍ നിന്നും കുതറിമാറിയ 
ഒറ്റമുടി. 
ആരും കാണാതെ 
ആ ഒറ്റമുടിപ്പാലത്തിലൂടെ
നടന്നു പോകുന്നു ഹരിലാല്‍.

പുതുക്കിപ്പണിത ഇല്ലത്തെ 
പൂജാമുറിയോളം ചെല്ലുന്നു 
ഭസ്മക്കുടുക്കയില്‍ നിന്ന് 
ഒരു വിരല്‍വണ്ണത്തില്‍ 
അടയാളചിഹ്നം വരയ്ക്കുന്നു. 
പൂജച്ചോറും നെയ്യമൃതും കൂട്ടിയുണ്ണുന്നു.
മുറുക്കിച്ചുവപ്പിച്ച് 
നെഞ്ചിലെ രോമം തടവി 
പടിഞ്ഞാറ്റയിലെ കിളിവാതില്‍ തുറന്നു 
കുളപ്പുരയിലേക്ക് കണ്ണെറിയുന്നു.
വകയിലെ ഒപ്പോളിന്റെ അലക്കിയിട്ട 
അടിവസ്ത്രങ്ങള്‍ നോക്കി 
മുഷ്ടിമൈഥുനം ചെയ്യുന്നു.
അതെ, മുഷ്ടിമൈഥുനം ചെയ്യുന്നു.

കോഫീ ഹൌസിന്റെ ഊണുമേശകള്‍ 
എപ്പോഴോ വിജനമായി. 
സഹപണിയാളുകള്‍ പൊയ്ക്കഴിഞ്ഞു. 
ഹരിലാലിന്റെ പാത്രത്തില്‍ 
വഴുക്കുന്ന ഉപമകളോടെ 
നൂഡില്‍സ്... 
അതെ, നൂഡില്‍സ്. 

10 അഭിപ്രായങ്ങൾ:

runnimadhavan പറഞ്ഞു...

nannayitundu. pakshe kerala brahmins munkudumakkar anu. saramilla, ethayalum kudumayullavar thanne.

ഞാൻ പറഞ്ഞു...

gud one ..

പ്രയാണ്‍ പറഞ്ഞു...

good one....

ഹരിശങ്കരനശോകൻ പറഞ്ഞു...

തരിപ്പിക്കുന്നു

ജംഷി പറഞ്ഞു...
രചയിതാവ് ഈ അഭിപ്രായം നീക്കംചെയ്തു.
ജംഷി പറഞ്ഞു...

super

Muralee Mukundan , ബിലാത്തിപട്ടണം പറഞ്ഞു...

നൂഡായ ന്യൂഡിൽസ്...!

Mahendar പറഞ്ഞു...

വഴുക്കുന്ന ഉപമകളോടെ :)

ജയരാജ്‌മുരുക്കുംപുഴ പറഞ്ഞു...

nannayittundu............ PLS VISIT MY BLOG AND SUPPORT A SERIOUS ISSUE..............

Unknown പറഞ്ഞു...

വഴുക്കുന്ന ഉപമകളോടെ നൂഡില്‍സ്... !!!!!!!!!!