കടമ

ഒരു കുറ്റപ്പെടുത്തലിനുകൂടി

ക്ഷമയോടെ കാത്തിരിക്കുമ്പോള്‍ തന്നെ

അവള്‍അത്താഴത്തിനുള്ള ഒരുക്കങ്ങള്‍ തുടങ്ങി.

ഫ്രീസറില്‍നിന്നെടുത്ത ഇറച്ചി

പാത്രത്തില്‍ നിറച്ച്‌ അടുപ്പില്‍ വെച്ചു,

സ്വകാര്യമായി സങ്കടങ്ങളെ കവിതയില്‍ അടുക്കിവെച്ചു.



വന്നപ്പോള്‍

പതിവുപോലെ

അവന്‍അവളുടെ മനസ്സിനുമേല്‍ വിരുന്നുണ്ടു.



ഈ നേരമ്പോക്ക്‌എത്ര സഫലമായിരിക്കുന്നു....

ഉല്‍ക്കണ്‌ഠയുടെ വിത്തുകള്‍

ഉര്‍വരമായ ചേതനയില്‍ വിതച്ചുകൊണ്ട്‌;

അനവരതമായി ചിത്തഭ്രമത്തിലേക്ക്‌ നാമ്പിട്ടുകൊണ്ട്‌;

ഒരിക്കല്‍ സംൃദ്ധമായിരുന്ന വയലുകളെ

ചേതനയറ്റ വിധേയത്വത്തില്‍ നിലനിര്‍ത്തിക്കൊണ്ട്‌.



വല്ലപ്പോഴും ഉയരുന്ന അഭിപ്രായത്തിണ്റ്റെ കളപറിച്ച്‌

വേരൊടെ കരിച്ചുകൊണ്ട്‌;

പാകമായിപ്പോയവയെ നിരന്തരമായി

അലക്കിവെളുപ്പിച്ച മൌനത്തില്‍ അമര്‍ത്തിപ്പിടിച്ചുകൊണ്ട്‌.



......

റോസന്‍ ജീഗര്‍
പരിഭാഷ:Thallasseri