എന്തെങ്കിലും കൊണ്ടു പോകണ്ടേ
എന്തെങ്കിലും...
നാലോറഞ്ച്
രണ്ടാപ്പിള്‍
ഒരു കുല മുന്തിരി...
മതിയായില്ലല്ലോയെന്ന്
ഉള്ള്‌ വിയര്‍ത്തു.
കീശയില്‍
ഒരു പേനയുണ്ട്
ഇഷ്ടമാവുമായിരിക്കും,
എന്നെങ്കിലും
എഴുതുമായിക്കും...
നടപ്പിനിടയ്ക്ക്
ഒരോറഞ്ച് തിന്നാന്‍ തോന്നി;
പുളിപ്പുണ്ട്
മധുരവും.
ഓറഞ്ചിന്റെയാ തരിപ്പുണ്ടല്ലോ
സഹിച്ചില്ല,
ഒരാപ്പിളും തിന്നു.
നല്ല മധുരം,
മറ്റേതും ഒറ്റയിരുപ്പില്‍...
നടപ്പിനിടയില്‍
മുന്തിരിക്കുല പൊട്ടിച്ചു,
നടപ്പായതിനാലാവാം
തിന്നു തീര്‍ന്നതറഞ്ഞില്ല...
രണ്ടോറഞ്ച് ബാക്കി
പുളിയുണ്ട്
മധുരവും...
നീട്ടിയൊരു നടത്തം
കീശയില്‍
ഒരു പേനയുണ്ടല്ലൊ,
പുഴുങ്ങിത്തിന്നട്ടെ...
കവി.
9 അഭിപ്രായങ്ങൾ:
തീര്‍ച്ചയ്യായും വിഷ്ണൂ,
ഇത് നിനക്കു തന്നെയാണ്‌....
എങ്ങിനെ വായിച്ചാലും
മഷി തീര്‍ന്ന പേന തന്നെയല്ലേ... എഴുത്ത് നന്നാവട്ടെ...
ഈ പേനകൊണ്ട് തോറ്റു
കവിത കണ്ടുപിടിച്ചവനെ കൊല്ലണം എന്നൊരു വായനക്കാരന്‍ തീരുമാനിക്കാനിടയായാല്‍ അയാള്‍ സംക്രമണം വായിച്ചു എന്ന് ഏതാണ്ട് ഉറപ്പിക്കാം... :)
കവിതയെഴുത്ത് നിര്‍ത്തിയ ആള്‍ക്ക് സന്തോഷ സൂചകമായി എന്തും നല്‍കാം.കവിതയെഴുത്ത് ഒന്നുവീതം മൂന്നു നേരം തുടരുന്ന ആളെ സന്ദര്‍ശിക്കാന്‍ മലപ്പുറം കത്തിയുമായേ പോകൂ...
വിഷ്ണുവിനേയും നസീർ കടിക്കാടിനേയും വലിച്ചിഴയ്ക്കാതെ വായിക്കാം കവിതയെഴുത്തു നിർത്തിയ ഒരുലോകം!
:D
നസീര്‍, വഴിയില്‍ വെച്ചു ഞാനും കൂടാം...
നസീര്‍ക്കയുടെ കൈയ്യില്‍ പേന മാഷിന്റെ കൈയ്യില്‍ കത്തി.അല്ലല്ല മാഷ്ടെ കൈയ്യില്‍ പേന നസീര്‍ക്കയുടെ കൈയ്യില്‍ കാത്തി.അല്ലല്ല……..കത്തി…പേന…..????? ഓ രണ്ടും ഒന്നു തന്നെ
ഇതു കൊള്ളാം..സൂപ്പര്‍ ചിന്ത...!
ഒരു അഭിപ്രായം പോസ്റ്റ് ചെയ്യൂ